ماخَبِرش

حافضَل صابرَة عليكي لحَد إمتى؟

حالك ماحَيِتعِدِلشْ

وعرضك ماحَيِتْسِتِرشْ

وناسِكْ وِصلوا لِدَرَجَة

مِن التَناحة ماتِتْوصفشْ

حافضَل أَحِب فيكي لحَد إمتى؟

حاجات أحبها مافَضِلشْ

رجالة جَدَعَة؟ مَفْتكِرشْ

سياسة وشوارع ونظام تعليمي

!وأمن وأمان، ماخَبَرشْ


حافضل أقول لحَد إمتى

بُكرة تروق وتحلى؟

ويطلع بُكرة زُوحَل

وتزيد الوَحلة وَحلة!؟

حَيفضل الأمل لإمتى

يغرزني في الطين يا مصر؟

،كان زمان طين بيطرح

دلوَقتي أصبح فقر

حَيفضل الأمل لإمتى

يلعب بيَّه لعب؟

يايْموت، يا أموت أنا

ونخلص بقى

…من ده غُلبْ


Advertisements