في محطة المترو

جمالها كان عادي، مش من النوع اللي يهمني
لكن عنيها السود فيها شيء شدني
بصتلي في عينيا، منغير كسوف ولا خجل
نظرة طويلة وجريئة ومليانة أمل
الناس حولينا اختفت والصوت بقى صمت
وحسيت إنه إحنا لوحدنا، أنا وهي والصمت
بتبصلي، وببصلها، نظرة احساسها غريب
وأنا متسمر مكاني، متثبت في الأرض تثبيت
عدت ثواني ولا دقايق ولا ساعات
مش قادر أحدد، لكن هيهات
وفي لحظة، لملمت شجاعتي وأخدت خطوة لقدام
عايز أروحلها وابدأ معاها كلام
أخدت خطوة، ووراها خطوة، وبعدين جريت
نفسي أكون جنبها بسرعة وأقولها كيت وكيت
رايحلها واحنا لسه بصين لبعض
وفجأة، بصت في اتجاه تاني وخانت الوعد
لقيتها بتبتسم، ابتسامة حلوة من القلب
ابتسامة خلتني بجمالها العادي اتوهمت
مشيت ورى نظرتها، أشوفها راحت فين
لقيت عينيها راحت لواحد معرفش هو مين
وقفت مكاني، بعد ما كنت أربت قوي
مصدوم وأنا شايف أملي بيتحطم قدامي
وبعدين اللي كنت خايف منه حصل
مسكت إيده وبصتله نفس بصت الأمل
وفي لحظة، الناس رجعت والصمت راح
وهي إيدها في إيده وشكلها معاه مرتاح
ومشيوا في اتجاه تاني، بعيد عني، وراحت
راحت وسبتني مصدوم في لحظة الأمل اللي ماتت 

11.2007
Advertisements

3 Replies to “في محطة المترو”

  1. begad i love it a lot…so realistic and above all in “3amia” i love it cos no matter how hard i try i can’t write 3amya..

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s